Аурухана туралы

Ақтау Қалалық Перинаталдық Орталығы жүкті әйелдерге, босанған әйелдерге және жаңа туған нәрестелерге арнайы мамандандырылған  медициналық көмек көрсететін шаруашылық жүргізу құқығындағы мемлекеттік коммуналды кәсіпорын. Кәсіпорын 2009 жылы 8 қаңтарда № 8 Маңғыстау облыс әкімі қаулысы негізінде құрылған. 01.09.2015 жылы ШЖҚ мемлекеттік коммуналды кәсіпорынға ауысты.

«Халық денсаулығы және денсаулық сақтау жүйесі туралы» Қазақстан Республикасының Кодексі негізінде және сыртқы кешенді бағалау нәтижесімен ұлттық аккредитациялық комиссия шешімімен (20.11.2015 ж. №1286) Ақтау Қалалық Перинаталдық Орталығы 3 жылға І санатты аккредитацияны алды.

Маңғыстау облысы бойынша Денсаулық сақтау басқармасының 23.01.2013 ж. № 20 бұйрығы негізінде, 2013 жылдың ақпан айынан бастап перзентхана 55 койкіден 90 койкаға, 5 күндізгі стационар койкасына кеңейтілді. 2016 жылы ІІ жартыжылдықта койкілерді қайта бейіндеу жүргізілді.

Қазіргі таңда Ақтау Қалалық Перинаталдық Орталығы- кешенді акушерлік мекеме. Орталықта акушерство, неонатология, ультрадыбыстық зерттеу, клиника- диагностикалық зерттеу, жүктілер патологиясы және анестезиология-реанимация салаларында жаңа технологияларды пайдалана отырып, мамандандырылған жоспарлы және шұғыл медициналық көмек көрсетуге бейімделген 5 бөлімше бар.

Перинаталдық орталық заманауи медициналық құрал-жабдықтармен яғни өмірлік маңызды жүйелер қызметін бақылайтын мониторлармен, жасанды өкпе тыныстандыратын аппартаттар, кувездер, УДЗ аппараттары және фетальді мониторымен кардитахографиямен жабдықталған.

Орталықта жүкті және босанған әйелдермен жаңа туған нәрестелерге толық күтім жасау үшін барлық жағдайлар жасалған. Мерзімінен бұрын босануды жүргізу тактикасында, мерзімінен бұрын қағанақ суы кеткен кездегі босануды жүргізуде, акушерлік қан кетумен күрес шараларын жүргізуде және гипертензивті жағдайларда сонымен бірге жаңа туған нәрестелерге реанимациялық көмек көрсетуде  жаңа технологиялар енгізілген.

Перинаталдық Орталық  «Қауіпсіз Ана болу» Дүние Жүзілік Денсаулық сақтау бағдарламасы бойынша жұмыс жасайды және ана сүтімен қоректендіруді мадақтап қолдайды. Ана сүтімен қоректендірудің маңыздылығын насихаттауға көп көңіл бөледі. Босануда серіктестіктің қатысуы кеңінен қолданылады.

Орталықта босанғаннан кейінгі палаталарда  ана мен баланың бірге болуына толық жағдай жасалған.